អាជីវកម្មរបស់យើង
អាជីវកម្មរបស់យើង
បរធនបាលកិច្ចអចលនវត្ថុ
បរធនបាលកិច្ចដីធ្លី ដែលជាបរធនបាលកិច្ចអចលនទ្រព្យ ជារឿយៗត្រូវបានប្រើប្រាស់សម្រាប់ការធ្វើផែនការអចលនទ្រព្យ។ វាមានន័យថា ប្រើក្នុងគំរោងជីវិតរបស់អ្នកសម្រាប់ការគ្រប់គ្រងទ្រព្យសម្បត្តិ។វាគឺជាបរធនបាលកិច្ចអចលនទ្រព្យ ដែលអាចត្រូវបញ្ចប់ ឬផ្លាស់ប្តូរបានគ្រប់ពេល។បរធនបាលកិច្ចដីធ្លី អាចជា អចលនទ្រព្យ (ឧទាហរណ៍ អគារ ឬផ្ទះ) ឬបណ្ណ័អចលនទ្រព្យ។ ជាធម្មតាត្រូវបានប្រើប្រាស់សម្រាប់ដី ក្នុងគោលបំណងអភិរក្ស ឬអភិវឌ្ឍន៍អចលនទ្រព្យ។បរធនបាលកិច្ចដីធ្លី មានភាគីបីគឺ បរធនបាលទាយក(អ្នកវិនិយោគ) បរធនបាល(ក្រុមហ៊ុនត្រាសធី) និងអត្ថគាហកៈ(អ្នកទទួលផល)។ បរធនបាលទាយក(អ្នកវិនិយោគ) គឺជាអ្នកបង្កើតបរធនបាលកិច្ច និងផ្ទេរទ្រព្យសម្បត្តិទៅបរធនបាល(ក្រុមហ៊ុនត្រាសធី) ត្រូវធ្វើការចាត់ចែង គ្រប់គ្រង និង/ឬ រក្សាទុកទ្រព្យសម្បត្តិបរធនបាលកិច្ចសម្រាប់ជាប្រយោជន៍ ជាអតិបរមាដល់អត្ថគាហកៈ។
បរធនបាលកិច្ចបុគ្គល
បរធនបាលកិច្ចបុគ្គលគឺជាប្រភេទបរធនបាលកិច្ច ដែលបង្កើតឡើងដោយបុគ្គល (បរធនបាលទាយក/អ្នកវិនិយោគបុគ្គល) សម្រាប់ផលប្រយោជន៍ខ្លួនគាត់ផ្ទាល់ ឬភាគីទីបីណាមួយ (អត្ថគាហកៈ/អ្នកទទួលផល) ដែលត្រូវបានបង្កើតចាត់តាំងដោយខ្លួនគាត់ ដោយផ្ទេរទ្រព្យសម្បត្តិទៅបរធនបាល(ក្រុមហ៊ុនត្រាសធី) ត្រូវធ្វើការចាត់ចែង គ្រប់គ្រង និង/ឬ រក្សាទុកទ្រព្យសម្បត្តិបរធនបាលកិច្ចតាមរយះលិខិតបរធនបាលកិច្ច។បរធនបាលកិច្ចបុគ្គលគឺខុសគ្នានិងនីតិបុគ្គលដែលមានសិទ្ធិអំណាចក្នុងការទិញ លក់ កាន់កាប់ និងគ្រប់គ្រងអចលនទ្រព្យសម្រាប់ជាប្រយោជន៍ដល់បរធនបាលទាយក។
បរធនបាលកិច្ចគ្រូសារ
បរធនបាលកិច្ចគ្រូសារគឺជាមធ្យោបាយមួយដើម្បីការពារទ្រព្យសម្បត្តិរបស់ បរធនបាលទាយកនិងក្រុមគ្រួសាររបស់គាត់នាពេលអនាគត។ តាមរយះលិខិតបរធនបាលកិច្ចនេះ ទ្រព្យសម្បត្តិដូចជាផ្ទះត្រូវបានថែរក្សា ចាត់ចែងដោយ BIC Trust សម្រាប់រក្សាប្រយោជន៍ដល់អត្ថគាហកៈ(អ្នកទទួលផល) ដែលអាចជា ប្តីប្រពន្ធ និងកូនរបស់អ្នក
សេវារក្សាទុក/រក្សាសុវត្ថិភាព
ភ្នាក់ងារសេវារក្សាទុក/រក្សាសុវត្ថិភាពអ្នកទទួលបន្ទុកដើរតួជាភ្នាក់ងារសេវារក្សាទុក/រក្សាសុវត្ថិភាព និងជួយភាគីទីបីក្នុងការរក្សាមូលនិធិ ឯកសារ និងទ្រព្យសម្បត្តិ រហូតដល់ភាគីបំពេញលក្ខខណ្ឌនៃកិច្ចសន្យា ឬផ្ទេរកម្មសិទ្ធិពីភាគីមួយទៅភាគីម្ខាងទៀត។ការតែងតាំងអ្នកទទួលបន្ទុកជាភ្នាក់ងារសេវារក្សាទុក/រក្សាសុវត្ថិភាពគឺជាវិធីមិនលំអៀង និងឯករាជ្យក្នុងការតំណាងឱ្យអ្នកទិញ និងអ្នកលក់អចលនទ្រព្យឫជាអ្នកម៉ៅការ ដោយធានាថាអ្វីៗទាំងអស់ត្រូវបានអនុវត្តតាមនឹងប្រតិបត្តិតាម។
បរធនបាលកិច្ចមូលនិធិ
បរធនបាលកិច្ចមូលនិធិ គឺជាសេវាកម្មរក្សារនិង កាន់កាប់មូលនិធិជំនួសអោយបុគ្គល ឬក្រុមហ៊ុនណាមួយ។ បរធនបាលដែលត្រូវបានជ្រើសរើសនៅពេលដែលបង្កើតបរធនបាលកិច្ចឡើង ជាអ្នកទទួលខុសត្រូវក្នុងការគ្រប់គ្រងមូលនិធិ ។ បរធនបាលកិច្ចមូលនិធិ អាចរួមបញ្ចូលជាសាច់ប្រាក់ គណនីធនាគារ អចលនទ្រព្យ ភាគហ៊ុន ក្រុមហ៊ុន អាជីវកម្ម មរតក និងប្រភេទនៃការវិនិយោគផ្សេងទៀត។ ទ្រព្យសម្បត្តិទាំងនេះនឹងត្រូវបានរក្សារទុកក្នុងបរធនបាលកិច្ច រហូតដល់កាលៈទេសៈឬកិច្ចសន្យារជាក់លាក់ណាមួយត្រូវបានបំពេញ ដែលនៅពេលនោះទ្រព្យនឹងត្រូវបានផ្ទេរទៅអោយអ្នកទទួលផល(អត្ថគាហកៈ)។
បរធនបាលកិច្ចមូលនិធិ អាចជាមធ្យោបាយក្នុងការធ្វើផែនការអចលនទ្រព្យដើម្បីរក្សាទ្រព្យសម្បត្តិរបស់អ្នកក្នុងបរធនបាលកិច្ច ដែលគ្រប់គ្រងដោយភាគីអព្យាក្រឹតទីបី ឬបរធនបាល។
បរធនបាលកិច្ចគ្រប់គ្រងគំរោង
បរធនបាលកិច្ចគ្រប់គ្រងគម្រោងគឺជាភាគីទីបីដែលជួយអ្នកសាងសង់ ម្ចាស់ដី និងធនាគារក្នុងការគ្រប់គ្រងដំណើរការសាងសង់គម្រោង។ យើងផ្តល់សេវាកម្មឯកទេសក្នុងការធ្វើផែនការ ការសម្របសម្រួល និងការអនុវត្តគម្រោងស្របតាមតម្រូវការជាក់លាក់។ បរធនបាលអាចផ្តល់សេវាកម្មគ្រប់គ្រងគម្រោងដើម្បីសម្រេចគោលដៅ និងគោលបំណងរបស់ម្ចាស់គម្រោងតាមរយៈការជួយសម្រួលការងារ សន្សំពេលវេលា និងសម្រួលផ្នែកហិរញ្ញវត្ថុ។ បរធនបាលនឹងជួយគាំទ្រដើម្បីសម្រេចបាននូវគោលដៅរបស់គម្រោងនិង ធ្វើអោយការបែងចែកធនធានមានភាពប្រសើរឡើង។
សេវារក្សាគ្រប់គ្រងអចលនទ្រព្យជំនួស
សេវាកម្មគ្រប់គ្រងអចលនទ្រព្យជំនួស គឺសំដៅទៅលើការត្រួតពិនិត្យ និងការថែរក្សារអចលនទ្រព្យប្រភេទពាណិជ្ជកម្ម និងប្រភេទលំនៅដ្ឋានផ្សេងៗជំនួសអោយម្ចាស់ទ្រព្យ។ សេវានេះរួមបញ្ចូលទាំងការគ្រប់គ្រងប្រតិបត្តិការប្រចាំថ្ងៃរបស់អចលនទ្រព្យ ដូចជាការដោះស្រាយបញ្ហាថែទាំ ការតវ៉ារបស់អ្នកជួល និងការប្រមូលថ្លៃជួល។ បរធនបាលធ្វើជាអ្នកគ្រប់គ្រងអចលនទ្រព្យឱ្យម្ចាស់អចលនទ្រព្យវិនិយោគដូចជា អាផាតមិន អគារខុនដូ សហគមន៍ផ្ទះឯកជន មជ្ឈមណ្ឌលទិញទំនិញ និងសួនឧស្សាហកម្មជាដើម។
សេវារក្សាគ្រប់គ្រងទ្រព្យសកម្មជំនួស
សេវាកម្មគ្រប់គ្រងទ្រព្យសកម្ម សំដៅលើនីតិវិធីប្រើប្រាស់ដោយអ្នកជំនួញ និងស្ថាប័ននានា ដើម្បីតាមដាន និងគ្រប់គ្រងទ្រព្យសម្បត្តិរបស់ពួកគេ។ វារួមបញ្ចូលទៅដោយវិធីសាស្រ្ត នីតិវិធី និងកម្មវិធីផ្សេងៗ ដែលជួយក្នុងការអនុវត្តគោលនយោបាយ និងគោលដៅគ្រប់គ្រងទ្រព្យសម្បត្តិ។
រាល់ជំនួញអាចបង្កើនប្រាក់ចំណេញរបស់ពួកគេលើការវិនិយោគ និងកាត់បន្ថយការខាតបង់ដោយការគ្រប់គ្រងទ្រព្យសម្បត្តិរបស់ពួកគេបានល្អ។ ទ្រព្យសកម្មគឺជាវត្ថុមានតម្លៃដែលអាជីវករ ឬស្ថានប័នអាចរកផលចំណេញបន្ថែមបាន។ ក្នុងនាមជាក្រុមហ៊ុនបរធនបាល យើងអាចជួយអតិថិជនក្នុងការត្រួតពិនិត្យការអនុវត្ត និងស្ថានភាពទូទៅនៃទ្រព្យសកម្មរបស់ពួកគេ តាមរយៈការគ្រប់គ្រងទ្រព្យសកម្ម ដោយធានាថាពួកវាត្រូវបានប្រើប្រាស់ប្រកបដោយប្រសិទ្ធភាព។
គ្រោងការណ៍វិនិយោគរួម ( CIS )
គ្រោងការណ៍វិនិយោគរួម (CIS) សំដៅទៅលើគ្រោងការណ៍ដែលត្រូវបានអនុញ្ញាតដោយ SERC ។ អ្នកទទួលបន្ទុកគឺជាអ្នកតំណាងស្របច្បាប់ដែលត្រូវបានចាត់តាំងឱ្យរក្សាសុវត្ថិភាពទ្រព្យសម្បត្តិមូលនិធិរបស់ CIS ។
BIC Trust គឺជាក្រុមហ៊ុនស្របច្បាប់ ដែលមានអាជ្ញាប័ណ្ណក្រោមយុត្តាធិការនៃនិយតករមូលបត្រកម្ពុជា ចាប់តាំងពីឆ្នាំ 2019។ BIC Trust គ្រប់គ្រងការជឿទុកចិត្ត មូលនិធិទុកចិត្ត និងអចលនទ្រព្យក្នុងនាមអាជីវកម្ម និងបុគ្គល។ BIC Trust ផ្តល់សេវាកម្មអតិថិជនឯកជន សេវាកម្មអតិថិជនសាជីវកម្ម ការធានាសាជីវកម្ម សេវាគ្រប់គ្រងមូលនិធិ និងសេវាកម្មគ្រប់គ្រងក្រុមហ៊ុន។
ក្រុមការងាររបស់យើងមានឯកទេសជាចម្បងលើការកាន់កាប់ដីខ្មែរក្នុងនាមជនបរទេស ដោយមានគោលបំណងផ្តល់នូវសេវាកម្មកម្រិតខ្ពស់ដែលតម្រូវតាមអតិថិជនរបស់យើងម្នាក់ៗ។